A Mancomunidade de Verín forma ó persoal na prevención da violencia infantil e pon en marcha un protocolo de actuación

No mes de outubro a Mancomunidade de Verín porá en marcha un curso de formación de 10 horas destinado ó persoal da entidade sobre a Protección Integral da Infancia e da Adolescente fronte á Violencia.

O curso LOPIVI céntrase na formación para protexer a infancia e a adolescencia fronte á violencia, formando profesionais para previr, detectar e responder a situacións de risco ou maltrato. Céntrase no cumprimento da Lei Orgánica 8/2021, na creación de contornas seguras, na identificación de formas de violencia (incluída a violencia dixital) e nos procedementos axeitados, todo para garantir o desenvolvemento integral dos menores.

O seu obxectivo é garantir un ambiente seguro e previr, detectar e responder a calquera tipo de violencia ou abuso cara menores.

Está deseñado para profesionais que traballan directamente con nenos/as, como persoal, voluntarios/as e estudantes en prácticas, así como para calquera persoa que traballe en organizacións que presten servizos á infancia.

O obxectivo é fortalecer a capacidade profesional para protexer e salvagardar os dereitos dos nenos e adolescentes, contribuíndo ao desenvolvemento dun ambiente máis seguro.

Ademáis, a entidade contará cun protocolo de coordinación e actuación para atender este tipo de casos.