Formación sobre prevención da violencia de xénero a través do SAD na Administración Local

A Mancomunidade de Municipios da Comarca de Verín, a través do CIM, organiza a formación “Prevención da violencia de xénero a través do SAD na Administración Local”, dirixida a reforzar a prevención e a detección de situacións de violencia de xénero no ámbito do Servizo de Axuda no Fogar (SAD).

As persoas que traballan de xeito autónomo no coidado de persoas maiores ou en residencias tamén poderán acudir á formación.

Esta é unha oportunidade para adquirir ferramentas e coñecementos que contribúan a unha atención máis segura, sensible e comprometida coa prevención da violencia de xénero.

A quen vai dirixida

• Persoal do Servizo de Axuda no Fogar (SAD).
• Profesionais da Administración Local.
• Persoal técnico de servizos sociais municipais.
• Persoas que traballan de xeito autónomo no coidado de persoas maiores ou en residencias.

A formación está destinada á área de maiores dos servizos sociais e ao Servizo SAD da comarca de Verín: Verín, Laza, Vilardevós, Castrelo do Val, Cualedro, Monterrei e Oímbra.

Por que desde o SAD

O Servizo de Axuda no Fogar ocupa unha posición única: entra cada día nos domicilios e mantén unha relación de confianza coas persoas usuarias. Esa proximidade convérteo nun recurso fundamental para detectar situacións de violencia que doutro xeito permanecerían invisibles, especialmente entre as mulleres maiores do rural.

A formación está dirixida a mellorar a detección, a prevención e a actuación ante situacións de violencia de xénero desde o SAD, aproveitando esa proximidade coas persoas usuarias no ámbito domiciliario.

Como solicitar a praza

Podes reservar a túa praza por calquera destas tres vías:

• Cubrindo o formulario de inscrición en liña.
• Escaneando o código QR do cartel.
• De xeito presencial, nas oficinas do CIM, en horario de 9:00 a 14:30 h. Preguntar en conserxería.

Cartel da formación

Ampliar

×

Seguimos traballando pola igualdade e por unha sociedade libre de violencia machista.