A Mancomunidade de Verín abre o prazo de inscrición en dous cursos gratuítos de formación para o emprego

A Mancomunidade de Verín abre o prazo de inscrición en dous cursos gratuítos de formación para o emprego

A Mancomunidade de Verín pon en marcha dous novos cursos gratuítos dirixidos a persoas interesadas en mellorar a súa formación e ampliar as súas saídas laborais. Ambos se impartirán nas instalacións da Mancomunidade de Verín, en horario de 09:00 a 14:00 horas.

Atención Sociosanitaria en Institucións

Este curso desenvolverase entre o 28 de setembro de 2026 e o 29 de marzo de 2027. Trátase dunha formación orientada ao coidado e á atención de persoas en centros e institucións sociosanitarias, un sector cunha demanda crecente de profesionais cualificados na comarca.

Limpeza de Espazos Industriais

Con inicio previsto en setembro, este curso capacita para o desempeño de tarefas de limpeza e mantemento en contornas industriais, cunha orientación eminentemente práctica.

Cursos gratuítos e con axudas

Os dous cursos son totalmente gratuítos. Ademais, o alumnado percibe unha axuda polo desprazamento e, no caso de reunir os requisitos establecidos, pode acceder a outras axudas previstas na convocatoria de cada curso.

Como inscribirse

As persoas interesadas poden apuntarse chamando aos teléfonos 629 563 795 e 988 414 600.

Podes consultar toda a información detallada nos carteis informativos:

Cartel · Atención Sociosanitaria en Institucións
Cartel · Limpeza de Espazos Industriais